KA KHRISTMAS
(Apostle R.R. Khongkrom)
Ia ka jingkha ia U Jisu sha ka pyrthei la iathuh lypa ha ka hukum U Moses, ha ka salm bad ha ki nongiathuhlypa. Kadei ka jingpynskhem kaba ym lah shuh ban kylla. Loukas 24: 44 “U la ong ruh ha ki, kine ki long kita ki ktien ia kiba nga la kren haphi, ba kadei ba yn pyndep ia kiei kiei baroh, ia kiba la thoh ha ka hukum U Moses bad ha ki nongiathuhlypa bad ha ki Salm”. Ka jingwan longbriew U Jisu sha ka pyrthei ka dei ka plan bymjukut jong U Blei ban phah ia la u khun ban kha sha ka pyrthei, ban pyndep ia ka mission jong ka jingpynim ia ki mynsiem bakordor, ban iap halor ka diengphna bad ban mihpat na ka jingtep ha ka sngi balai bad ruh ban kiew pat sha bneng ban long u Rangbah lyngdoh ban iasaid ha khmat U Blei u Kpa na ka bynta jong ngi. Ha kajuh ka rukom un sa wan rongnoh ia ki riewkhuid.
Ngin ia peit ia ka plan u Soitan ban pynduh pyndam ia ka jingwan longbriew U Jisu sha ka pyrthei bad ia ka mission jong U Jisu ban pyndep kat kum ka mon U Blei u Kpa ban leh ia ka.
Ka jingkha ia U Jisu ym don jaka ne ing basa ban kha ia u. haba u Herod u la tip na ki riewstad ba la kha syiem ha Israel u la wad ban pyniap noh ia U Jisu bad haba um shym la tip biang uei uta u khun lung. U la shu phah pyniap naphang ia ki khun lung ba 2 snem sha rum da kaba ngeit skhem ba U Jisu u la iap lang bad kita ki khunlung ba la shah pyniap. Ka jingkyntait ki riewngeit ban rakhe ia ka jingkha ia U Jisu sha ka pyrthei da kaba pynshong nongrim ha kiba bun rukom bad sahngeh syndon ban rakhe ia ka sngi kha U Jisu kum ka jingsngap jar ne jinglen ba ia U Jisu la kha sha ka pyrthei. Ka jingmih ki ain na ka Sorkar ban pynkylla governance day ha ka sngi Khrismas kadei ki daw banpynduh pyndam ne klet noh ia ka khristmass. (Mat 2 : 16-18;
Ka jinglen noh ia ki kambah bad jingpynkhiah bad ruh ki jingpynkylla ia ki jinghikai ba janai U Jisu sha ka ban kham burom ia ki rukom pateng la pateng ha ki rukom lehniam leh rukom jingngeit. (Mat 15:6) “… Phi la pynduh noh ia ka hukum U Blei da ka rukom pateng la pateng jongphi“
Ka jingkyntait ban rakhe ia ka Good Friday ne ka sngi iap U Jisu. Bad wat ka sorkar ka la ialeh ban thaw lad wat ban khang noh ban ai shuti ha ka Good Friday.
Ka jinglen noh ia ka jingmihpat U Jisu na kiba iap, la pynbam tyngka wat ia ki shipai ba ap ha ka jingtep U Jisu bad ban ong ba u khlem mih pat la shu tuh da ki synran. (Mat 28: 11-15) Ki mih ki jinghikai mynta kiba len ban ong, ba U Jisu u khlem mihpat, un sa mihpat ha ka jingwan arsien. Ka jinghikai ka world mission Society Church of God ba U Khrist ba ar udei u Ahn Sahng-hong
Ka jinglennoh ia ka jingrongnoh bad ka jingwan arsien U Jisu (2 Thes 2: 2)
Ka jingwan pynshoi u Soitan ia U Jisu ha ri khlaw Mat 4: 1-11; ka long ka buit trei kam u Soitan ban pynduh pyndam ia ka plan U Bei u Kpa ban pynim ia ki bynriew ha ka pyrthei na ka pop jong ki tangba U Jisu u la jop ia u Soitan
Ka plan U Blei u Kpa ia ka jingwan long briew U Jisu sha ka pyrthei
Gen 3:15 “….U symbai (Jisu) jong ka (Theisotti) un pynlwet ia ka khlieh jong me (Soitan) …….”
Deut 18: 15 “U Trai uba U Blei jong me un pynmih ha me ia u nongiathuhlypa (Jisu) napdeng jongme na ki para jong me, uba kum manga: ia u ba phin shah shkor”
Salm 22: 1-31 “Ka jingiathuhlypa u Dabid ha ka Salm 22 shaphang ka jingshah shitom u Jisu na ka bynta ka pop jong ka pyrthei.
Isa 7:10-15; 9: 6, 7; – Ka jingiathuhlypa u Isaiah 750 snem shuwa ban kha ia U Jisu, ba yn kha ia u na ka theisotti.
Isa 53: 1- 12 – ka jingiathuhlypa u Isaiah shaphang ka jingshahshitom U Jisu, ka jingiap bad ka jinglong Rangbah lyngdoh jong u ban ia said ha khmat U Blei u Kpa na ka bynta jong ngi.
Mat 1: 18-25 – U angel u la wan rah ia ka khubor ha ka Mary ba kan sa punkhun bad kan kha ia u Khun bad yn khot ia ka kyrteng jong u U Jisu naba un pynim ia ki briew na ki pop jong ki.
Loukas 2: 1-20 – ka jingkha ia U Jisu, ka jingpyndonburom bad ka jingkmen da ki paidbah angel ba la kha ia U Jisu sha ka pyrthei. La maham da u angel ba ym dei ban sheptieng, namar ka khubor ba bha la wallam sha ka pyrthei kaba la long ka jingkmen bakhraw ha ki briew baroh. Ka jingpyndonburom ia ka Khristmas ka long kaba dei eh. Ai ba ka pyrthei baroh kan tip ba U Blei jong ngi U Jisu la kha sha ka pyrthei, ka jingiap bad ka jingmihpat kan tip namar ka bor jong ka gospel ka shong ha ka jingkha, jingiap bad jingmihpat U Jisu la ai ia ka jingkyrmen ia ki briew baroh ha ka pyrthei.
Ngi lah ban don shibun ki daw ba ki scholar ki shem bad ki ong, ngi lah ban ong ba ka sngi bad u bnai ym long kaba tikna, ngi lah ban ong ba ka Good Friday ka kylla na ka por sha ka por, ngi lah ban ong ba ngim mane ia ka sngi, hynrei ngi pyndonburom man ka sngi ia ka jingkha, jingiap bad jingmihpat U Jisu. Ha baroh ki daw ba ngi sngewdei ban pynpep ia ka jingiarakhe ia ka sngi kha, sngi iap bad sngi mihpat U Jisu, nga pyni hangne lada ngim iathuh ba ia U Jisu la kha sha ka pyrthei, bad lada ka jingkha kam don, ka jingiap kan nym don, lada ka jingiap kan nymdon ka jingmihpat kan nym don bad lada kine baroh ngin shu sngap jar khlem da pynpaw sha ka pyrthei hangno kata ka jingngeit jongngi ka long kaba im? Hangno ka pyrthei kan tip? Hangno ka pyrthei kan ngeit? Hangno ka pyrthei kan ioh im lada ia ka jingshisha yn pyndam noh. Hangno ki khun ki kti jong ngi kin ieng? U Soitan lada u lah un pynsahngeh wat ia ka khristmas ba yn nymdon shuh ki sngi shuti, ne jingkynmaw ieit ia ka jingwan longbriew U Jisu sha ka pyrthei, un pynsahngeh ia ka Good Friday (sngi iap) ba yn nym don shuh ka jingrakhe ne kynmaw ia kitei ki sngi. Lada u lah un pynduh pyndam wat ia ka sngi jong ka jingmihpat (Resurrection day).
1 Ioannis 4: 1-6 “…ka mynsiem baroh kaba phla ia U Jisu Khrist ba u la wan ha ka doh ka long na U Blei. Bad ka mynsiem baroh ka bym phla ia U Jisu kam long na U Blei. Te kane ka long kata ka mynsiem jong uta u nongialeh pyrshah ia U Khrist….” Lada ngi len noh ba u Jisu u wan ha ka doh ngi long kiba lamler. Lada ngi len noh ia ka jingiap jong u halor diengphna yn nym don ka jingmap ia ki pop jong ngi. Lada ngi len noh ia ka jingmihpat U Jisu ngin long kiba kordit tam ha kane ka pyrthei bad ha ka pyrthei ka ban sa wan – 1 Kor 15:19.
KA JINGMAHAM: Ka jingmane blei ki khun Israel ha ri khlaw da kaba thaw bad pynieng ia u khun masi ba la thaw da ka ksiar kadei ka jingpyrthuh bud ia kaei ba ki la iohi ha Ri Ijipt. Ka jingmane blei ki khun Israel ha ka por ki Nongbishar, ha ki por ki nongiathuhlypa ha ka Testamen Barim kadei kaba ki la shu pyrthuh bud ia kaei ba ki la iohi na ki nong Kanaan, ki nong-Philistia bad wat u Solomon bastad tam ha ka pyrthei ym don shuh ha shuwa ne hadien jong u uba kham stad ban ia u, pynban une u la kut ka jingim ha ka jingmane blei thaw ha ba ki lok jong u ki ialam ia u ban mane ia ki san tylli ki blei Philistia. Namar kata wat nym rakhe ia ka Khristmas kumba long ka pyrthei, kumba phi iohi ba ka pyrthei ka leh, ne ki jinghikai ba lamler bad ba bakla, da kaba mane bad doh ia u khun lung Jisu ha ka dur stashu, ki santaklos, Ki dieng Khristmas (ki Christmas tree), ki shyngoid, ban thaw ne buh ia ki dur stashu, ban dem ne mane kam long kaba dei, ka dei ka jinglen blei. Ban leit nguh ne dem ia ka dur Jisu ba la buh ha ka dur diengphna, ne ha Calender ne ha kano kano ka dur ba la thaw ne mut dur ka long ka pop bad ka jingmane bleithaw. Ka jingiabam iadih buaid, ka jingiashad party, im bad leh jakhlia ha ka jingkwahbrai ka doh, bad kiwei kiwei ki bymkhuid ha ka sngi Khristmas. Wat nym pyniasyriem ia ki rukom mane ne lehniam bad ki blei jong ka pyrthei namar ba U Blei jong ngi u long uba im, u long u nongthaw bad u nongpynlong ia kiei kiei baroh, kiba iohi bad ki bym iohi.
Ka jingrakhe ba shisha ia ka khristmas ka long: iathuh sha ka pyrhei ba U Jisu u la wan ha ka doh (Christ was born in the flesh) u Jisu u la iap halor ka diengphna (died at the cross) u Jisu u la mihpat na jingtep ha ka sngi ba lai (Resurrection) u la kiew shabneng ban long u nongiasaid ha khmat u kpa uba ha bneng, un sa wan ban shaw ia ki riewkhuid ha ka jingrongnoh (Rapture) bad un sa wan pat ha ka jingwan ba arsien ban synshar ia ka pyrthei shi hajarsnem. Bad hadien nangta ka bneng bathymmai bad ka khyndew bathymmai kan long bad un shynshar bymjukut bymjukut ryngkat bad ki riewkhuid jong u ha bneng.
(Phi lah ban phah ia ki jingkylli ne commend sha ka email: ntrc1986shillong@gmail.com
(Apostle R.R. Khongkrom)
Ia ka jingkha ia U Jisu sha ka pyrthei la iathuh lypa ha ka hukum U Moses, ha ka salm bad ha ki nongiathuhlypa. Kadei ka jingpynskhem kaba ym lah shuh ban kylla. Loukas 24: 44 “U la ong ruh ha ki, kine ki long kita ki ktien ia kiba nga la kren haphi, ba kadei ba yn pyndep ia kiei kiei baroh, ia kiba la thoh ha ka hukum U Moses bad ha ki nongiathuhlypa bad ha ki Salm”. Ka jingwan longbriew U Jisu sha ka pyrthei ka dei ka plan bymjukut jong U Blei ban phah ia la u khun ban kha sha ka pyrthei, ban pyndep ia ka mission jong ka jingpynim ia ki mynsiem bakordor, ban iap halor ka diengphna bad ban mihpat na ka jingtep ha ka sngi balai bad ruh ban kiew pat sha bneng ban long u Rangbah lyngdoh ban iasaid ha khmat U Blei u Kpa na ka bynta jong ngi. Ha kajuh ka rukom un sa wan rongnoh ia ki riewkhuid.
Ngin ia peit ia ka plan u Soitan ban pynduh pyndam ia ka jingwan longbriew U Jisu sha ka pyrthei bad ia ka mission jong U Jisu ban pyndep kat kum ka mon U Blei u Kpa ban leh ia ka.
Ka jingkha ia U Jisu ym don jaka ne ing basa ban kha ia u. haba u Herod u la tip na ki riewstad ba la kha syiem ha Israel u la wad ban pyniap noh ia U Jisu bad haba um shym la tip biang uei uta u khun lung. U la shu phah pyniap naphang ia ki khun lung ba 2 snem sha rum da kaba ngeit skhem ba U Jisu u la iap lang bad kita ki khunlung ba la shah pyniap. Ka jingkyntait ki riewngeit ban rakhe ia ka jingkha ia U Jisu sha ka pyrthei da kaba pynshong nongrim ha kiba bun rukom bad sahngeh syndon ban rakhe ia ka sngi kha U Jisu kum ka jingsngap jar ne jinglen ba ia U Jisu la kha sha ka pyrthei. Ka jingmih ki ain na ka Sorkar ban pynkylla governance day ha ka sngi Khrismas kadei ki daw banpynduh pyndam ne klet noh ia ka khristmass. (Mat 2 : 16-18;
Ka jinglen noh ia ki kambah bad jingpynkhiah bad ruh ki jingpynkylla ia ki jinghikai ba janai U Jisu sha ka ban kham burom ia ki rukom pateng la pateng ha ki rukom lehniam leh rukom jingngeit. (Mat 15:6) “… Phi la pynduh noh ia ka hukum U Blei da ka rukom pateng la pateng jongphi“
Ka jingkyntait ban rakhe ia ka Good Friday ne ka sngi iap U Jisu. Bad wat ka sorkar ka la ialeh ban thaw lad wat ban khang noh ban ai shuti ha ka Good Friday.
Ka jinglen noh ia ka jingmihpat U Jisu na kiba iap, la pynbam tyngka wat ia ki shipai ba ap ha ka jingtep U Jisu bad ban ong ba u khlem mih pat la shu tuh da ki synran. (Mat 28: 11-15) Ki mih ki jinghikai mynta kiba len ban ong, ba U Jisu u khlem mihpat, un sa mihpat ha ka jingwan arsien. Ka jinghikai ka world mission Society Church of God ba U Khrist ba ar udei u Ahn Sahng-hong
Ka jinglennoh ia ka jingrongnoh bad ka jingwan arsien U Jisu (2 Thes 2: 2)
Ka jingwan pynshoi u Soitan ia U Jisu ha ri khlaw Mat 4: 1-11; ka long ka buit trei kam u Soitan ban pynduh pyndam ia ka plan U Bei u Kpa ban pynim ia ki bynriew ha ka pyrthei na ka pop jong ki tangba U Jisu u la jop ia u Soitan
Ka plan U Blei u Kpa ia ka jingwan long briew U Jisu sha ka pyrthei
Gen 3:15 “….U symbai (Jisu) jong ka (Theisotti) un pynlwet ia ka khlieh jong me (Soitan) …….”
Deut 18: 15 “U Trai uba U Blei jong me un pynmih ha me ia u nongiathuhlypa (Jisu) napdeng jongme na ki para jong me, uba kum manga: ia u ba phin shah shkor”
Salm 22: 1-31 “Ka jingiathuhlypa u Dabid ha ka Salm 22 shaphang ka jingshah shitom u Jisu na ka bynta ka pop jong ka pyrthei.
Isa 7:10-15; 9: 6, 7; – Ka jingiathuhlypa u Isaiah 750 snem shuwa ban kha ia U Jisu, ba yn kha ia u na ka theisotti.
Isa 53: 1- 12 – ka jingiathuhlypa u Isaiah shaphang ka jingshahshitom U Jisu, ka jingiap bad ka jinglong Rangbah lyngdoh jong u ban ia said ha khmat U Blei u Kpa na ka bynta jong ngi.
Mat 1: 18-25 – U angel u la wan rah ia ka khubor ha ka Mary ba kan sa punkhun bad kan kha ia u Khun bad yn khot ia ka kyrteng jong u U Jisu naba un pynim ia ki briew na ki pop jong ki.
Loukas 2: 1-20 – ka jingkha ia U Jisu, ka jingpyndonburom bad ka jingkmen da ki paidbah angel ba la kha ia U Jisu sha ka pyrthei. La maham da u angel ba ym dei ban sheptieng, namar ka khubor ba bha la wallam sha ka pyrthei kaba la long ka jingkmen bakhraw ha ki briew baroh. Ka jingpyndonburom ia ka Khristmas ka long kaba dei eh. Ai ba ka pyrthei baroh kan tip ba U Blei jong ngi U Jisu la kha sha ka pyrthei, ka jingiap bad ka jingmihpat kan tip namar ka bor jong ka gospel ka shong ha ka jingkha, jingiap bad jingmihpat U Jisu la ai ia ka jingkyrmen ia ki briew baroh ha ka pyrthei.
Ngi lah ban don shibun ki daw ba ki scholar ki shem bad ki ong, ngi lah ban ong ba ka sngi bad u bnai ym long kaba tikna, ngi lah ban ong ba ka Good Friday ka kylla na ka por sha ka por, ngi lah ban ong ba ngim mane ia ka sngi, hynrei ngi pyndonburom man ka sngi ia ka jingkha, jingiap bad jingmihpat U Jisu. Ha baroh ki daw ba ngi sngewdei ban pynpep ia ka jingiarakhe ia ka sngi kha, sngi iap bad sngi mihpat U Jisu, nga pyni hangne lada ngim iathuh ba ia U Jisu la kha sha ka pyrthei, bad lada ka jingkha kam don, ka jingiap kan nym don, lada ka jingiap kan nymdon ka jingmihpat kan nym don bad lada kine baroh ngin shu sngap jar khlem da pynpaw sha ka pyrthei hangno kata ka jingngeit jongngi ka long kaba im? Hangno ka pyrthei kan tip? Hangno ka pyrthei kan ngeit? Hangno ka pyrthei kan ioh im lada ia ka jingshisha yn pyndam noh. Hangno ki khun ki kti jong ngi kin ieng? U Soitan lada u lah un pynsahngeh wat ia ka khristmas ba yn nymdon shuh ki sngi shuti, ne jingkynmaw ieit ia ka jingwan longbriew U Jisu sha ka pyrthei, un pynsahngeh ia ka Good Friday (sngi iap) ba yn nym don shuh ka jingrakhe ne kynmaw ia kitei ki sngi. Lada u lah un pynduh pyndam wat ia ka sngi jong ka jingmihpat (Resurrection day).
1 Ioannis 4: 1-6 “…ka mynsiem baroh kaba phla ia U Jisu Khrist ba u la wan ha ka doh ka long na U Blei. Bad ka mynsiem baroh ka bym phla ia U Jisu kam long na U Blei. Te kane ka long kata ka mynsiem jong uta u nongialeh pyrshah ia U Khrist….” Lada ngi len noh ba u Jisu u wan ha ka doh ngi long kiba lamler. Lada ngi len noh ia ka jingiap jong u halor diengphna yn nym don ka jingmap ia ki pop jong ngi. Lada ngi len noh ia ka jingmihpat U Jisu ngin long kiba kordit tam ha kane ka pyrthei bad ha ka pyrthei ka ban sa wan – 1 Kor 15:19.
KA JINGMAHAM: Ka jingmane blei ki khun Israel ha ri khlaw da kaba thaw bad pynieng ia u khun masi ba la thaw da ka ksiar kadei ka jingpyrthuh bud ia kaei ba ki la iohi ha Ri Ijipt. Ka jingmane blei ki khun Israel ha ka por ki Nongbishar, ha ki por ki nongiathuhlypa ha ka Testamen Barim kadei kaba ki la shu pyrthuh bud ia kaei ba ki la iohi na ki nong Kanaan, ki nong-Philistia bad wat u Solomon bastad tam ha ka pyrthei ym don shuh ha shuwa ne hadien jong u uba kham stad ban ia u, pynban une u la kut ka jingim ha ka jingmane blei thaw ha ba ki lok jong u ki ialam ia u ban mane ia ki san tylli ki blei Philistia. Namar kata wat nym rakhe ia ka Khristmas kumba long ka pyrthei, kumba phi iohi ba ka pyrthei ka leh, ne ki jinghikai ba lamler bad ba bakla, da kaba mane bad doh ia u khun lung Jisu ha ka dur stashu, ki santaklos, Ki dieng Khristmas (ki Christmas tree), ki shyngoid, ban thaw ne buh ia ki dur stashu, ban dem ne mane kam long kaba dei, ka dei ka jinglen blei. Ban leit nguh ne dem ia ka dur Jisu ba la buh ha ka dur diengphna, ne ha Calender ne ha kano kano ka dur ba la thaw ne mut dur ka long ka pop bad ka jingmane bleithaw. Ka jingiabam iadih buaid, ka jingiashad party, im bad leh jakhlia ha ka jingkwahbrai ka doh, bad kiwei kiwei ki bymkhuid ha ka sngi Khristmas. Wat nym pyniasyriem ia ki rukom mane ne lehniam bad ki blei jong ka pyrthei namar ba U Blei jong ngi u long uba im, u long u nongthaw bad u nongpynlong ia kiei kiei baroh, kiba iohi bad ki bym iohi.
Ka jingrakhe ba shisha ia ka khristmas ka long: iathuh sha ka pyrhei ba U Jisu u la wan ha ka doh (Christ was born in the flesh) u Jisu u la iap halor ka diengphna (died at the cross) u Jisu u la mihpat na jingtep ha ka sngi ba lai (Resurrection) u la kiew shabneng ban long u nongiasaid ha khmat u kpa uba ha bneng, un sa wan ban shaw ia ki riewkhuid ha ka jingrongnoh (Rapture) bad un sa wan pat ha ka jingwan ba arsien ban synshar ia ka pyrthei shi hajarsnem. Bad hadien nangta ka bneng bathymmai bad ka khyndew bathymmai kan long bad un shynshar bymjukut bymjukut ryngkat bad ki riewkhuid jong u ha bneng.
(Phi lah ban phah ia ki jingkylli ne commend sha ka email: ntrc1986shillong@gmail.com
